عــــدنــــا وطــــــــن ((باللهجة العراقية))
عــــدنــــا وطــــــــن
جاني الصغير وبعيونه دمعاته .. يسأل : بابا ليش ماعدنا وطن ؟ !
جاوبته وقلبي تزداد نبضاته .. بدموع توصف عمق الحزن
مسح دموع عيني بعبراته .. وجلس يمسح دموعه بالحضن
قلت له منو قالك ماعدنا وطن ؟
سكت وقال وين ايامه وساعاته ؟ .. وين البيوت الـ تنسكن
ليش مهدمه شوارعه وبناياته .. ليش الاطفال بالشارع تمتحن
وين المدارس وين كراساته .. وين الكتب ودفاتر الرسم والفن
قلت له منو قالك ماعدنا وطن ؟
بكى ودموعه تكتب وصاته .. لو اموت بالله بالعراق اريد اندفن
بالله اخذني لدجلته او فراته .. وغسلني بمايه وترابه هو لي كفن
واسقيني بدمع بغداد وآناته .. واعيش بين اغلى واروع حضن
صدماتي صدمات وكلماتي محن
وجروحي جروح مفتوحه بشجن
وقلبي ينادي وينك يا اغلى وطن
باعك العميل وقبض ابخس ثمن
وذبحك المحتل وعدموا كلمة امن
والعالم ماتدري موضوع الوطن
آه وينك ياغلى عراق وينك ياغلى وطن
وينك يا اروع بلد وينك يا اروع حضن
بقلم
الأمير الجريح